నిజాం హయాంలో హైదరాబాద్ రాష్ట్రంలో జరిగిన దారుణ ఘటనల ఆధారంగా రూపుదిద్దుకున్న చిత్రం రజాకార్(Razakar). ఈ సినిమా నిర్మాత గూడురు నారాయణరెడ్డికి గుర్తు తెలియని వ్యక్తుల నుంచి బెదిరింపు కాల్స్ వచ్చాయి.
తనకు దాదాపు 1100 వరకు బెదిరింపు కాల్స్ వచ్చాయని నిర్మాత నారాయణ రెడ్డి పోలీసులకు ఫిర్యాదు చేశారు. ఆ తర్వాత తనకు వచ్చిన బెదిరింపు కాల్స్‌కు సంబంధించి కేంద్ర హోంశాఖకు కూడా కంప్లైంట్ ఇచ్చారు.
దీంతో కేంద్ర ప్రభుత్వం ఆయనకు భద్రతను కల్పించింది. 1+1 సీఆర్పీఎఫ్ జవాన్లను భద్రత నిమిత్తం కేటాయించింది. నిఘా వర్గాల ద్వారా దర్యాఫ్తు చేసిన అనంతరం కేంద్రం భద్రతను కల్పించింది.
కాగా.. గూడురు నారాయణ రెడ్డి నిర్మాతగా.. యాటా సత్యనారాయణ దర్శకత్వంలో వచ్చిన రజాకార్(Razakar) సినిమా పాజిటివ్ టాక్‌ను తెచ్చుకుంది. ఈ సినిమాలో ప్రముఖ యాంకర్ అనసూయ భరద్వాజ్ కీలక పాత్ర పోషించారు. గత అసెంబ్లీ ఎన్నికలకు ముందే ఈ సినిమా విడుదల కావాల్సింది. కొన్ని కారణాల వల్ల అప్పుడు విడుదల కాలేదు. ఇటీవల ఈ సినిమాను రిలీజ్ చేయగా ప్రేక్షకాదరణ చూరగొంటోంది.
READ LATEST TELUGU NEWS: మలేషియాలో తెలుగు సినీపరిశ్రమ 90 ఏళ్ల వేడుక : మంచు విష్ణు
